Auto&Tech
Instagram pritet të bëjë një ndryshim në Stories
Demokracia
14:29 | 24 Nëntor 2021

Share:

Që prej lançimit të Stories në Instagram, rrjeti social i ka ndarë ato në segmente prej jo më shumë se 15 sekondash. Megjithatë, ky kufi pritet të marrë fund me përditësimin e ri.

Tani koha maksimale që mund të zgjasë një Story pritet të jetë 60 sekonda.

Lajmi është publikuar nga Matt Navarra, një nga ekspertët më të njohur në rrjetet sociale, veçanërisht në gjithçka që ka të bëjë me Instagramin. Edhe pse nuk është zyrtarizuar, kjo do të ndodhë në orët në vijim.

Opsioni është testuar tashmë për një kohë të gjatë në disa llogari dhe do të përhapet në pjesën tjetër së shpejti.

Në tetor, zhvilluesi dhe studiuesi i rrjeteve sociale Alessandro Paluzzi, kishte treguar gjithashtu se Instagram po testonte Stories më të gjata.

Për markat, mundësitë janë përforcuar, pasi Stories 1 minutëshe lejojnë filmimin dhe transmetimin e reklamave.

Të ngjashme