Duke përdorur teknologjinë e avancuar të ADN -së, zyra e ekzaminuesit mjekësor të qytetit të New York-të kanë identifikuar edhe dy viktima të tjera të sulmeve të 11 shtatorit në Kullat Binjake, raporton The Telegraph, përcjellë Demokracia.com.

Personi i parë i identifikuar ishte një grua e njohur si Dorothy Morgan, nga Hempstead. Ajo ishte e 1646-ta nga 2753 njerëz të vrarë, në Qendrën Botërore të Tregtisë 20 vjet më parë. Menjëherë pas saj u identifikua një viktimë tjetër, kësaj here një burrë. Por, emri i tij nuk është bërë i ditur me kërkesë të familjes.

Ata ishin viktimat e para të sulmeve të al-Kaeda-së  mbi kullat që u identifikuan që nga tetori 2019.

Morgan po punonte në katin e 94 -të të një prej kullave për Marsh & McLennan, kompania e sigurimeve që humbi 295 punonjës dhe 63 kontraktorë, si dhe klientë të tjerë në sulme, përcjell Demokracia.com.

“Njëzet vjet më parë, ne u bëmë një premtim familjeve të viktimave të Qendrës Botërore të Tregtisë për të bërë gjithçka që duhet për aq kohë sa duhet për të identifikuar të dashurit e tyre, dhe me këto dy identifikime të reja, ne vazhdojmë të përmbushim atë detyrim të shenjtë,” tha ekzaminuesja kryesore mjekësore e Nju Jorkut Barbara Sampson.

Në vitin 2005 puna u ndalua për një kohë të shkurtër për shkak të mungesës së goditjeve pozitive. Tani shkencëtarët mund të përdorin një sërë kimikatesh për të nxjerrë ADN-në nga mbetjet.

Kjo ka rritur shpresën se emrat mund të vendosen në më shumë se 1106 eshtrat e viktimave të paidentifikuara.

Mbetjet e rreth 40 për qind të atyre që vdiqën në sulmin e Kullave Binjake ende nuk janë identifikuar.

Për dy dekadat e fundit zyra e ekzaminuesit mjekësor ka testuar dhe riprovuar 22,000 pjesë të trupit të gjetura në vendin e Kullave Binjake, në atë që është hetimi më i madh i personave të zhdukur ndonjëherë në historinë e SHBA./Demokracia.com/