Futbollistët e Ajaxit mposhtën në një ndeshje shumë të rëndësishme Feyenoordin, ndërsa heroi i fitores ishte futbollisti brazilian, Anthony. Ai shënoi gol për 3:2 dhe kështu u solli një festë të madhe “shtizave”, e veçanërisht i gëzuar një prej tifozëve që “vodhi” fanellën e brazilianit.

Gjatë festës, një tifoz arriti të gjente një mënyrë dhe të merrte fanellën e Anthony. Ajo lëvizje bëri të qeshin të gjithë, madje edhe vetë futbollistin, por vazhdimi i historisë është edhe më i bukur.

Tifozi vendosi t’ia kthejë fanellën klubit dhe Anthony do ta nënshkruajë atë kur të kthehet nga detyrimet e kombëtares nga Brazili. Pas kësaj, fanella do të dalë në ankand dhe të gjitha të ardhurat nga shitja do të shkojnë në Spitalin e Fëmijëve në Amsterdam.

Anthony shënoi golin e fitores në minutën e 86-të, i ndihmuar nga Nick Taliafiç dhe e festoi në mënyrë shumë emocionuese./Demokracia.com/

Goed opletten, want voordat je het weet is je shirt weg ?#AJAFEY pic.twitter.com/ebBVzhBHs6

— ESPN NL (@ESPNnl) March 20, 2022