Përfaqësuesi anglez i futbollit, Harry Maguire, ka thënë se beson vërtet se ekipi i tij mund të fitojë Kupën e Botës në Katar , sipas mediave britanike.

Maguire beson se ka ardhur koha që Anglia të fitojë titullin botëror.

“Mendoj se kjo është e vetmja gjë që do të thoja se kjo skuadër është e ndryshme nga ajo e vitit 2018. Ne besojmë vërtet se është e mundur”, tha Maguire për “BBC”, transmeton Demokracia.com.

Ai theksoi se kjo përzgjedhje e futbollistëve anglezë ka fituar një mentalitet fitues.

“Ne kemi besim se mund ta fitojmë turneun në Katar, është një ndryshim pozitiv në mentalitetin tonë. Sigurisht, ne e dimë se sa e vështirë do të jetë. Mendoj se janë pesë, gjashtë skuadra me të njëjtin besim dhe në vitin 2018 nuk ishim të tillë”, tha lojtari i Manchester United.

Maguire ka qenë objektiv i kritikave nga tifozët e Manchester United dhe kombëtares angleze këtë sezon.

“Sinqerisht, nuk i ndjek shumë rrjetet sociale. Ndoshta familja ime lexon më shumë se unë. Unë u them atyre të largohen nga rrjetet sociale, edhe pse kjo është një zakon i shumicës së njerëzve. Kam lexuar pak, por jam 29 vjeç, jam kapiten i Manchester United dhe kam luajtur 52 ndeshje për kombëtaren angleze. Nëse shikoj prapa në karrierën time, atëherë po jetoj ëndrrën time. Unë jam duke bërë atë që kam dashur gjithmonë të bëj”, shtoi lojtari i Manchester United.

Ai theksoi se dëshiron të fitojë trofe në vazhdimësi të karrierës së tij.

“Sezoni i kaluar ishte jashtëzakonisht i vështirë për mua, nuk luajta aq mirë sa në pesë të kaluarën.  Mendoj se vetëm Lionel Messi dhe Cristiano Ronaldo nuk kanë pasur rënie gjatë karrierës së tyre”, përfundoi Maguire./Demokracia.com/