Ministri i Jashtëm i Maqedonisë së Veriut, Bujar Osmani, ka reaguar pas sulmeve ndaj Policisë së Kosovës në veri.
Osmani në një postim në rrjetin social “Twitter”, ka shkruar se është i shqetësuar për dëmtimin e stabilitetit rajonal, përcjell Demokracia.com.
“I shqetësuar thellësisht nga raportimet për një sulm të armatosur ndaj policisë në Zubin Potok të Kosovës. Ne e dënojmë këtë sulm të dhunshëm dhe bëjmë thirrje për përmbajtje nga çdo veprim që mund të dëmtojë sigurinë dhe stabilitetin e rajonit tonë”, ka shkruar Osmani.
Deeply concerned by reports of an armed attack on the police in Zubin Potok 🇽🇰. We condemn this violent attack and call for refraining from any action that could undermine the security and stability of our region.
— Bujar Osmani (@Bujar_O) April 16, 2022
Kujtojmë se të premten ministri i Punëve të Brendshme të Kosovës, Xhelal Sveçla ka thënë se kanë ndodhur katër sulme ndaj policisë së Kosovës në veri, ndërsa sot policia ka njoftuar edhe për sulme të tjera në drejtim të tyre në Jarinje./Demokracia.com/