Ministrja e Punëve të Jashtme dhe Diasporës, Donika Gërvalla-Schwarz, e ka propozuar për Konsull të Përgjithshëm në Nju Jork ish-ministrin e Integrimit Evropian në Qeverinë Kurti 1, Blerim Rekën.
Demokracia.com ka publikuar sot rekomandimin e Gërvallës për të.
Por, në kohën sa ishte ministër, Reka kishte nxitur reagime të shumta me një propozim si zgjidhje në dialogun Kosovë-Serbi, të cilën ai e quante “kompromis fer për Serbinë”.
“Në vend të kësaj që po flitet apo që po kualifikohet se kinse duhet dhënë territor Serbisë, unë e kam një ofertë tjetër. Ne mund t’ia japim korridorin transit Serbisë për dalje në Detin Adriatik, përmes Kosovës, përmes autostradës të Kosovës, në Durrës. Dhe më duket se është një kompromis fer për Serbinë”, pati propozuar Reka në një intervistë në RTK./Demokracia.com/
