Profesori universitar në Francë, Nezir Kraki nëpërmjet një postimi në Facebook ka bërë të ditur se Ambasada e Kosovës në Paris nuk e ka ftuar në festën e shënimit të 14 vjetorit të pavarësisë.
Ai ka bërë të ditur se kjo është hera e parë që në këto 14 vjet nuk ftohet në shënimin e pavarësisë së Kosovës. Kraki thotë se arsyet dhe rrethanat për këtë ndryshim do t’i tregojë një ditë tjetër.
Profesori kosovar ka qenë hapur mbështetës i Lëvizjes Vetëvendosjes dhe ardhjes së Albin Kurtit në krye të qeverisjes.
Më poshtë gjeni postimin e tij të plotë:
Per herë të parë në 14 vite shtet, nuk jam ftu në festen e pavarësisë së Kosovës nga ambasada jonë n’Paris.
Jo që jam unë i domosdoshëm në raste të tilla por po behem merak si qenkam kaq anonim n’Parisin e zhurmshem si i vetmi shqiptar ligjerues ne nje Universitet publik ne zemer të Francës, dhe atë në fushen e politikës dhe diplomacisë?!
Ndoshta edhe ky është një dimension i ri i ndryshimt të madh për të cilin jam mobilizu keto vite.
Sa mirë…
Nejse, veç thash ta ndaj me juve këtë habi se me juve flas shlire.
P.s. Arsyet dhe rrethanat e ketij ndryshimi jua tregoj nje dite tjeter.