Në fillimet e luftës mes Ukrainës dhe Rusisë, bëri bujë një telefonatë e përgjuar mes një ushtari rus dhe bashkëshortes së tij.
Në bisedën e përgjuar, një ushtar rus ka biseduar me gruan e tij, e cila duke qeshur e ka inkurajuar të shoqin të përdhunojë femrat ukrainase.
Hetimi zbuloi se Roman Bykovsky, 27 vjeç, dhe gruaja e tij, Olga Bykovskaya, emri i vajzërisë së së cilës është Pinyasovaya, ishin çifti pas telefonatës tronditëse që ngriti frikën për një përdhunim masiv të grave ukrainase nga trupat ruse.
“Po, e lejoj. Vetëm vër masa mbrojtëse”, dëgjohet të thotë rusja mes të qeshurash.
Ndërkohë, Shërbimi i Sigurisë së Ukrainës ka njoftuar se Olga Bykovskaya është shpallur në kërkim ndërkombëtar.