Skënder Hyseni, Ish-ministër i Punëve të Jashtme nga radhët e Lidhjes Demokratike të Kosovës (LDK), ka kritikuar kryetarin e kësaj partie për mospranimin e ftesës ndaj presidentit të Shqipërisë, Bajram Begaj që takimi mes tyre të ndodhë në objektin e Kuvendit të Kosovës.

Abdixhiku, ka kërkuar që takimi të zhvillohet në selinë e LDK-së.

E këtë Hysnei e ka quajtur “skandal infantile të Abdixhiut”.

E më pas, Hyseni e ka kujtuar kohën kur Abdixhiku shkoi në një hotel të Prishtinës për ta takuar presidentin e Malit të Zi, Milo Gjukanoviq.

Postimi i plotë:

Lumir Abdixhiku shkaktoi një skandal politik infantil!

Në ditën e dytë të vizitës së tij zyrtare në Kosovë, presidenti Bajram Begaj ka zhvilluar takime me krerët e partive politike, thuhet në njoftimet e medias.

Ndërkohë që thuhet poashtu se “Kreu i Lëvizjes Demokratike të Kosovës, Lumir Abdixhiku, paska refuzuar takimin me presidentin Bajram Begaj, duke mos respektuar ftesën e presidentit për t’u takuar në selinë e Kuvendit”.

Pretendimi idhnak i Abdixhikut se Presidenti shqiptar duhej të shkonte në selinë e LDK-së për takim, shpërfaq një ego infantile politike të të parit të LDK-së.

Pa dashur të futem në detajet e protokolit, me duhet të konstatoj se Abdixhiku me krekosjen e tij, paska shkaktuar një skandal politik e diplomatik tërsisht të panevojshëm në komunikimet aq të rëndësishme ndërshqiptare.

Kuvendi i Republikës së Kosovës është seli, e përtej selie e çdo partie politike parlamentare në Kosovë.

Strohet pyetja, përse z. Abdixhiku nuk u bë poaq “ i madh”, me rastin e vizitës së Presidentit të Malit të Zi të cilin, me 19 maj 2022, shkoi ta takonte, madje jo në Kuvend të Kosovës por në hotelin Swiss Diamond???!!!