Panagiotis Stafylos i shpëtoi aksidentit tragjik me tren në Greqi krejt papritmas. Ai kishte blerë biletën për trenin që u përfshi në aksident, por në fund i ngatërroi numrat dhe përfundoi në një vagon tjetër, shkroi të mërkurën mediumi kroat “Index”.
Vagoni i parë dhe i dytë u shkatërruan plotësisht pas përplasjes me një tren mallrash, ndërsa vagoni i pestë, ku i riu ishte futur, shpëtoi pa dëmtime.
“Fillimisht i thyem xhamat, por nuk i patëm mjetet e duhura për ta bërë këtë. Andaj, u përpoqëm ta thyenim derën”, deklaroi ai.
Për këtë aksident është arrestuar shefi i stacionit hekurudhor, ndërsa ministri i Transportit ka dhënë dorëheqje.
Është publikuar edhe një video e momentit të përplasjes së trenave.
