Ambasadori i SHBA-së në Kosovë, Jeffrey Hovenier, ka shkruar në Twitter pas homazheve para obeliskut për personat e pagjetur në ditën ndërkombëtare të tyre.

Ai tha se “qëndrojnë me çdo person që është në pritje të lajmeve për të dashurit e tyre të zhdukur”, derisa shtoi se mbesin të përkushtuar për të kërkuar dhe gjetur të vërtetën.

“I nderuar që iu bashkova presidentes Vjosa Osmani, kryeministrit Albin Kurti dhe familjarëve të të zhdukurve për të respektuar Ditën Ndërkombëtare të Viktimave të Zhdukur me Forcë. Ne qëndrojmë me çdo person që është në pritje të lajmeve për të dashurit e tyre të zhdukur dhe mbetemi të përkushtuar për të kërkuar dhe gjetur të vërtetën”, ka shkruar Hovenier.

Honored to join @VjosaOsmaniPRKS @albinkurti & family members of the missing to observe the International Day of Victims of Enforced Disappearances. We stand with every person who is waiting for news of their missing loved ones & remain committed to seeking and finding the truth. pic.twitter.com/ZwniPgYCM8

— Ambassador Jeff Hovenier (@USAmbKosovo) August 30, 2022