Një raketë e lëshuar nga Jemeni ra pranë terminalit kryesor të aeroportit Ben Gurion të Izraelit të dielën në mëngjes, thanë autoritetet izraelite.

Pamjet e paverifikuara të postuara në internet, siç raporton BBC, duket se tregojnë shoferë në një rrugë aty pranë të ndaluar për t’u fshehur teksa bie predha, duke krijuar një re tymi të zi pranë aeroportit, i cili ndodhet në periferi të Tel Avivit, përcjell Insajderi.

Katër persona u lënduan nga shpërthimi, ndërsa dy të tjerë u lënduan gjatë rrugës për t’u strehuar, raportuan mediat izraelite, duke cituar shërbimet e emergjencës.

Ministri i mbrojtjes i Izraelit, Israel Katz, tha në një deklaratë se “kushdo që na godet, do t’i godasim shtatë herë më fort”.

Huthit, grup rebel i mbështetur nga Irani me bazë në Jemen, kanë nisur rregullisht sulme me raketa drejt Izraelit në solidaritet me Hamasin në Gaza. /Insajderi.org/