Ish-kryeministri i Kosovës, Avdullah Hoti ka uruar qytetarët për fillimin e vitit të ri 2024.

Por ai në një postim në Facebook tha se këtë vit Kosova po e përmbyll me shumë sfida e paqartësi, përcjell Klankosova.tv.

“Po e përmbyllim një vit me shumë sfida dhe paqartësi. Uroj që viti i ri të jetë më i mirë për Kosovën. Uroj të arrijmë të gjejmë pajtimin dhe mençurinë për të rrugëtuar drejt një të ardhme të ndritur e të jetueshme për brezat e rinj”, ka shkruar Hoti.

Ish-kryeministri po ashtu uroi se ky vit të jetë një nisje e një kapitulli të ri për prosperitet, harmoni dhe dashuri për të gjithë shqiptarët.