Ish-kryeministri i Kosovës, Avdullah Hoti, ka reaguar pas deklarimit të kryeministrit Albin Kurti se e pranon planin franko-gjerman.
Ai ka treguar pesë kushtet të cilat duhet të këtë marrëveshja me Serbinë.
Në profilin e tij në “Facebook”, ai ka shkruar se marrëveshja me Serbinë duhet të jetë përfundimtare, ligjërisht e obligueshme, me granci ndërkombëtare, për normalizim të marrëdhënieve dhe duhet të këtë njohjen reciproke.
Postimi i plotë:
Marrëveshja me Serbinë duhet të jetë:
1. PËRFUNDIMTARE – e jo e ndërmjetme, sepse ndryshe mbetet problem i hapur për të ardhmen dhe kjo e rrit pasigurinë politike në gjithë rajonin;
2. LIGJËRISHT E OBLIGUESHME – që ratifikohet në Kuvendet e të dyja vendeve;
3. ME GARANCI NDËRKOMBËTARE – ku BE dhe ShBA marrin përsipër obligime të caktuara që burojnë nga marrëveshja, në veçanti lidhur me integrimin euro-atlantik të Kosovës;
4. PËR NORMALIZIM TË MARRËDHËNIEVE – ku adresohen të gjitha çështjet mes dy vendeve bazuar në standardet evropiane të fqinjësisë së mirë; dhe
5. PËR NJOHJE RECIPROKE.