Bekim Haxhiu, deputet i Partisë Demokratike të Kosovës, njëherit dhe iniciues i projektligjit për Trustin, ka thënë se është zhgënjyes votimi i deputetëve të pushtetit kundër kërkesës së qytetarëve për tërheqjen e Trustit.

Tutje, ai ka shkruar se qytetarët e Kosovës sot e kanë parë mashtrimin, dyfytyrësinë e pushtetit të qeverisë së Albin Kurtit, shkruan Demokracia.com.

Me tej, Haxhiu ka thënë po ashtu se, qeveria e Kurtit nuk ka më legjitimitet qytetarë për të qeverisur vendin dhe se populli nuk harron.

Ky është postimi i tij i plotë pa ndërhyrje:

Zhgënjyes votimi i deputetëve të pushtetit kundër kërkesës së qytetarëve për tërheqjen e Trustit!

Privimi me arrogancë numrash i së drejtës së qytetarëve për tërheqjen e deri në 30 për qind të parave në Trust, dëshmoi që ky pushtet është diskriminues, përçarës që ngulfatë qytetarin skajshmërisht në varfëri në kohë krize.

Premtimet për “Barazi dhe Drejtësi”, “Krejt dhe Drejt” u rrëzuan me votën e deputetëve të pushtetit.

Qytetarët e Kosovës sot e panë mashtrimin, dyftyresinë e pushtetit të Qeverisë Kurti.

Deputetët e pushtetit ju nënshtruan presionit të Qeverisë kundër kërkesës së qytetarëve për të përballuar krizën ekonomike dhe inflacionin.

Zgjedhjet vijnë sërish, populli nuk harron.

Kjo qeveri nuk ka më legjitimitet qytetarë për të qeverisur me vendin, çdo premtim të saj e ka shkelur./Demokracia.com/