Ministrja e Industrisë, Ndërmarrësisë dhe Tregtisë, Rozeta Hajdari, do të raportojë në Komisionin për Ekonomi lidhur me projektet e realizuara për vitin 2023 dhe planet për vitin 2024, ndërsa ministrja e Drejtësisë, Albulena Haxhiu, do të diskutojë në Komisionin për të Drejtat e Njeriut, Barazi Gjinore dhe Peticione rreth rritjes së numrit të prokurorëve për krime të luftës dhe dhunës seksuale gjatë luftës në Kosovë.

Ministrja e Drejtësisë, Albulena Haxhiu dhe ministrja e Ministrisë së Industrisë, Ndërmarrësisë dhe Tregtisë, Rozeta Hajdari, këtë të marte do të raportojnë në Komisionet përkatëse të Kuvendit të Kosovës.

Ministrja Hajdari, do të raportojë në Komisionin për Ekonomi, Industri, Ndërmarrësi dhe Tregti, lidhur me realizimin e projekteve të ministrisë për vitin 2023 dhe planet e ministrisë për vitin 2024.

Mbledhja e këtij komisioni fillon në orën 11:00.

Ndërsa, në Komisionin për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, do të ketë diskutim në Komision lidhur me çështjen e rritjes së numrit të prokurorëve që do të merren me krime të luftës dhe krime të dhunës seksuale gjatë luftës në Kosovë dhe për këtë të ftuar janë ministrja Haxhiu dhe Ardian Hajdaraj, kryesues i Këshillit Prokurorial të Kosovës.