Boksieri shqiptar, Haxhi Robin Krasniqi ka paralajmëruar një duel të tretë me Dominic Boesel.

Krasniqi madje ka premtuar se do ta nokautojë sërish Boeselin, në rast se zhvillohet ai duel, shkruan Demokracia.com.

Këto deklarata i ka dhënë Krasniqi në llogarinë e tij në Facebook.

“Dëshiroj të falënderoj portalin sportiv të boksit Boxen1 dhe kryeredaktorin e tij Ebby Thatt për këtë artikull (v. 28.12.2021) më falenderoj, sepse me këtë keni treguar qartë se për fat të keq NUK po raportoni neutral për boksin gjerman”.

“Nuk pres trajtim preferencial nga askush, por mund të pritet neutralitet, sidomos në fushën e raportimit. Mirëpo, miqësia mes zotit Thatt dhe zotit Pütz duket se është më e rëndësishme se vetë sporti ynë. Ata tani po përpiqen t’i portretizojnë autorët si viktima. Por nuk do të funksionojë sepse faktet flasin vetë. Se çfarë fshihet realisht pas “refuzimit” të IBO-së, as të shpallur nga IBO-ja, do të zbulohet në vijimësi. Lufta për drejtësi vazhdon! Do të vijë edhe lufta e tretë dhe ndoshta do të më duhet ta fitoj sërish me nokaut, ashtu siç fitova luftën e parë kundër Dominic Bösel”, shkroi ai.

Dje, Federata Botërore hodhi poshtë “protestën” e Krasniqit, duke e quajtur si të parregullt mënyrën si punoi, derisa e cilësoi si çështje të përfunduar, me Bosel që mbetet kampion në fuqi. /Demokracia.com/