Sot janë bërë 16 vjet nga vdekja e presidentit Ibrahim Rugova.

Kryetari i Aleancës për Ardhmërinë e Kosovës, Ramush Haradinaj në profilin e tij në Facebook e ka kujtuar Rugovën duke thënë se urtësia dhe filozofia politike e Presidentit Ibrahim Rugova, mbeten ndër modelet më të avancuara të të bërit politikë.

Tutje, Haradinaj u shpreh se ai personalisht ka përfituar shumë nga presidenti Rugova, sepse në një fazë të shtetndërtimit të Kosovës kishte bashkëpunuar ngushtë me të.