Lideri i Aleancës për Ardhmërinë e Kosovës, Ramush Haradinaj ka shkruar lidhur me renditjen e Kosovës në disa pozita më lartë sa i përket lirisë së medias sipas Indeksit të Lirisë së Shtypit Botëror.
Përmes, një postimi në profilin e tij në Facebook, Haradinaj ka shkruar se janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual.
Sipas tij, liria e mediave duhet të jetë e pacenueshme.
Postimi i tij i plotë:
Një shoqëri është e lirë po aq sa i ka mediat e lira.
Shkalla e demokracisë matet me nivelin e lirisë së fjalës, lirisë së mendimit e të medias.
Janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual.
Liria e mediave duhet të jetë e pacënueshme. Ky është obligim, jo vetëm kushtetues e ligjor, por edhe moral!
Sot në Ditën Botërore të Lirisë së Mediave, të bashkohemi në mbrojtje të këtyre vlerave të panegociueshme të demokracisë.