Kryetari i Aleancës për Ardhmërinë e Kosovës (AAK), Ramush Haradinaj ka ftuar qytetarët që të protestojnë kundër taksës prej 5 euro për regjistrim të veturave.

Në një postim në rrjetin social “Facebook”, Haradinaj ka shkruar se me këtë vendim përfiton një biznes privat dhe individët e lidhur me të, duke zbraz xhepat e qytetarëve me afro 2 milionë euro në vit, të cilat sipas tij, nuk i shkojnë buxhetit të shtetit, përcjell Demokracia.com.

“Qytetarë të nderuar, protestoni! U protestua për pesë euro taksë për shfrytëzim të Rrugës së Kombit, ndërsa tani, pa asnjë arsye iu merren 5 euro për secilin automjet”, ka shkruar Haradinaj.

Postimi i plotë i Hradinajt, pa ndërhyrje:

Të dashur qytetarë,

Qeveria e Kosovës ka vendos një taksë krejtësisht të re, në vlerë prej 5 euro, në secilën herë që i regjistroni automjetet tuaja.

Me këtë vendim përfiton një biznes privat dhe individët e lidhur me të, duke zbraz xhepat e qytetarëve me afro 2 milion euro në vit, të cilat nuk i shkojnë buxhetit të shtetit.

Qytetarë të nderuar, PROTESTONI!

U protestua për pesë euro taksë për shfrytëzim të Rrugës së Kombit, ndërsa tani, pa asnjë arsye iu merren 5 euro për secilin automjet!

Protestoni për të drejtat tuaja! /Demokracia.com/