Federata e Futbollit e Kosoveës nuk po kalon ditë të mira sa i përket organizimit të brendshëm.

Shtëpia më e madhe e futbollit kosovar ka kaluar nëpër turbulenca edhe në muajt e fundit derisa ishte shkruar në medie për një konfrontim fizik në mes presidentit Agim Ademi dhe sekretarit gjeneral, Eroll Salihu.

“Zeri.info” raporton se Agim Ademi së bashku me Komitetin Ekzekutiv pritet që ta shkarkojë Eroll Salihun.

“Zeri” gjithashtu raporton se Salihu ua ka dërguar nga një letër anëtarëve të Komitetit se do të flas në medie për keqpërdorimet që janë bërë në FFK prej kohës kur Agim Ademi e mori mandatin e kryetarit teksa e ka zëvendësuar legjendën Fadil Vokrri.

Arsyet e veërteta të largimit të Salihut do të zbulohen së shpejti.

Krahas Salihut,  pritet të largohet edhe drejtori i Përfaqësueses së Kosovës, Muharrem Sahiti.

Sipas burimeve të “Zerit”, Muharrem Sahiti ka lobuar së fundmi në Rajonin e Gjilanit që mos të shkarkohet Eroll Salihu derisa me ta zbuluar këtë lajm, kryetari Ademi ka vendosur që edhe atë ta largojë nga detyra.