Kryetari i OVL-UÇK-së Hysni Gucati është deklaruar lidhur me procesin gjyqësor që po zhvillohet në Hagë, më saktësisht nga Dhomat e Specializuara dhe Zyra e Prokurorit të Specializuar të Kosovës ndaj ish-krerëve të luftës, saktësisht ndaj ish-presidentit Hashim Thaqi, Kadri Veselit, Jakup Krasniqit dhe Rexhep Selimit.

Gucati u shpreh se procesi gjyqësor në Hagë ka shkelur gjitha të drejtat humane dhe njerëzore, duke filluar me mos lejimin për vizitë tek vdekja e prindërve të Kadri Veselit e tutje.

Ai shtoi se sipas tij kjo gjykatë do të pësojë “dështim ndaj rastit të krerëve të luftës” por që do të ketë arrestime dhe nuk do të ndalen asnjëherë.

“Ky process ka qenë prej fillimit deri më sot process i montuar. Me dëshmitarë që Prokuroria i ka blerë me pare dhe i ka josh me vende të treta të fitojnë azil. Kjo gjykatë do të dështojë. Do të ketë arrestime të reja, kjo Gjykatë nuk do të ndalet. Thaqi dhe të tjerët do të fitojnë këtë rast. Gjykata Speciale ka bërë shkelje të rënda të të drejtave, pasi Kadri Veselit i ka vdekur prindërit, nuk e kanë leju me i vizituar, ose në varrim. Nasim Haradinajt i ka vdekur vëllai, nuk e kanë leju. Haxhi Shalën as për babën por edhe akterëve të tjerë të të burgosurve”, deklaroi Gucati.

Gucati tha se në krejt aspektet e mundshme kjo gjykatë është e padrejtë