Manchester  City filloi me pesë fitore në pesë xhirot e para të Premierligës. Përveç kësaj, skuadra e Pep Guardiolës fitoi Superkupën e Evropës kundër Sevillas dhe u mposht nga Arsenali në Community Shield. Kampioni aktual i Anglisë dhe i Evropës hap nesër Champions League dhe në Etihad mbërrin kampioni serb Crvena zvezda. City është favorit i madh në atë ndeshje, por Guardiola u ankua para ndeshjes se ka shumë probleme me lëndimet e lojtarëve.

“Kur ke shumë lëndime, nuk është problem për ty sot ose një ditë më vonë, është problem për tre deri në pesë ndeshjet e ardhshme. Në Carabao Cup shkojmë në Newcastle. Më vjen keq, por ka ndeshje. Do të më duhet të luaj me lojtarë të një skuadre tjetër. De Bruyne është ende i larguar, Stones gjithashtu, nuk e di për Kovacic dhe Grealish… Kur ke të gjithë ekipin, atëherë shkon në Newcastle me një ekip të mirë. – tha spanjolli dhe vazhdoi:

“Ne nuk i trajtojmë lojtarët në një mënyrë të mirë”

“Tani thjesht po pushojmë, po rikuperohemi dhe po përpiqemi të vijmë në lojë në gjendjen më të mirë të mundshme. Unë isha me pushime, por këta djem luajtën 90 minuta me kombëtaret, duke udhëtuar nga Bolivia, Brazili… Është shumë rraskapitëse”, tha ai, transmeton Demokracia.

“Vetëm shikoni sa skuadra kanë lëndime. Alvarez nga West Ham është dashur të largohet pas 15-20 minutave të pjesës së dytë. Ne nuk i trajtojmë mirë lojtarët. Ne jemi përgjegjës për mënyrën se si i trajtojmë ata”, tha ai, transmeton Demokracia.