Gruaja me thonjtë më të gjatë në botë i ka prerë ata për herë të parë pas gati 30 vitesh, pasi theu rekordin Guinness.

Ayanna Williams, nga Houston, Texas, fitoi një Rekord Botëror Guinness në vitin 2017 për thonjtë më të gjatë, me gjatësi prej 5 metrash, por ajo nuk u ndal.

Që nga ajo kohë ajo vazhdoi të rriste thonjtë e saj, duke arritur gjatësinë 7 metra, shkruan Demokracia.com.

Pasi theu rekordin, duke i rritur për 28 vjet ajo vendosi t’i priste ata.

Sipas një njoftimi për shtyp të Rekordeve Botërore Guinness, Ayanna tha, “Unë kam rritur thonjtë e mi për disa dekada. Unë jam shumë e gatshme për një jetë të re. Unë e di që do të më mungojnë, por është koha që ata të largohen”.

Ajo vendosi të priste thonjtë e saj sepse kryerja e punëve të përditshme filloi të vështirësohej.

Ambicia e Ajanës për të rritur thonjtë e saj në gjatësi rekorde erdhi nga një magjepsje me artin e thonjve kur ajo ishte më e re. Herën e fundit kur ajo pikturoi thonjtë e saj masivë, u deshën disa ditë dhe rreth tre ose katër shishe manikyr për thonjtë. Anëtarët e publikut reaguan në mënyra të ndryshme gjatë viteve, por shumica e njerëzve ishin mbështetës.

Thonjtë e saj nuk do të hidhen, ata do të ruhen dhe do të ekspozohen në “Ripley’s Believe It or Not”, Muze në Orlando, Florida. /Demokracia.com/