Një grua me sindromën Down ka humbur një betejë me Gjykatën e Lartë kundër qeverisë në Angli, për legjislacionin që lejon abortin e foshnjave në këtë gjendje deri në lindje.

Heidi Crowter, 26 vjeç nga Coventry, është një nga tre paditëset që ngritën veprime ligjore kundër Departamentit të Shëndetit dhe Kujdesit Social me shpresën për të hequr një pjesë të aktit të abortit që ata besojnë se është një “shembull i pabarazisë”, raporton Dailymail përcjellë Demokracia.com.

Në Angli, Wells dhe Skoci, ka një afat kohor prej 24 javësh për të bërë një abort.

Por përfundimi i shtatzënisë mund të lejohet deri në lindje nëse ekziston “një rrezik thelbësor, që nëse fëmija që do të lindte, do të vuante nga anomali të tilla fizike ose mendore që do të ishin me aftësi të kufizuara serioze”, e cila përfshin edhe sindromën Down.

Në një seancë dy ditore në korrik, avokatët që përfaqësonin pretenduesit, argumentuan se ligji është i papajtueshëm me Konventën Evropiane për të Drejtat e Njeriut, dhe për këtë arsye është diskriminues i paligjshëm

Por, në një vendim çështja e tyre u hodh poshtë nga dy gjyqtarë të lartë, të cilët konkluduan se legjislacioni nuk është i paligjshëm dhe synon të krijojë një ekuilibër midis të drejtave të fëmijës së palindur dhe grave.

Lord Justice Singh dhe Justice Lieven thanë në fillim të gjykimit:

‘Çështjet që kanë shkaktuar këtë pretendim janë shumë të ndjeshme dhe nganjëherë të diskutueshme. Ato krijojnë ndjenja të forta, në të gjitha anët e debatit, duke përfshirë dallimet e sinqerta të pikëpamjeve në lidhje me çështjet etike dhe fetare.

‘Kjo gjykatë nuk mund të hyjë në ato polemika, ajo duhet të vendosë rastin vetëm në përputhje me ligjin’, raportohet të kenë thënë. /Demokracia.com/