Ish-emisari i Donald Trump për dialogun Kosovë-Serbi, Richard Grenell në vazhdimësi është duke kritikuar liderin e LVV-së, Albin Kurtin, pas qëndrimit të këtij të fundit rreth lokacionit të Ambasadës së Kosovës në Izrael.

Grenell në vazhdimësi e ka quajtur Albin Kurtin si anti-amerikan që ka qenë kundër të gjitha administratave të Shteteve të Bashkuara të Amerikës, duke filluar nga ajo e Bill Clinton.

Lexo edhe: 

Grenell reagon sërish: Kurti do të jetë kundër Bidenit, ai thellësisht është anti-amerikan

Derisa para pak minutash, njeriu i afërt i Donald Trump ka publikuar një pjesë të një komunikate të Lëvizjes Vetëvendosje për Izraelin.

“Albin Kurti dhe partia e tij besojnë që Izraeli është ndërtuar duke kryer krime. Dhe thonë që SHBA dhe Mbretëria e Bashkuar ka mbështetur këtë krim”, ka shkruar Grenell.

Ai e ka përfshirë në reagimin e tij edhe këshilltarin e presidentit aktual Joe Biden, duke thënë se “ është diskurs i rrezikshëm për një aleat të SHBA-së”.

Albin Kurti and his party VV believe Israel was built by committing crimes. And says the U.S. and the U.K. support this crime.

This is dangerous talk for a US ally. @jakejsullivan pic.twitter.com/lpxBIn2mYU

— Richard Grenell (@RichardGrenell) March 3, 2021