Ish-emisari i Shtëpisë së Bardhë për dialogun Kosovë-Serbi, Richard Grenell, e ka bërë një postim në Twitter duke e akuzuar kryeministrin Kurti për zhvillimet e sotme në veri.

Grenell u shpreh se këtë mëngjes, Kurti ua tregoi “gishtin e mesit” kërkesave të ShBA-ve dhe BE-së për depërshkallëzim të situatës në veri.

Në Mitrovicë të Veriut u arrestua më herët një person me emrin Milun Milenkoviq Llune, që sipas ministrit të Brendshëm Xhelal Sveçla ishte prijës i bandave kriminale.

“Joe Bideni dhe Evropianët e ngritën një vijë të kuqe javën e kaluar. Ata thanë që Albin Kurti duhet ta de-eskalojë (situatën) dhe të nis zgjedhjet e reja menjëherë. Këtë mëngjes, Kurti iu ngriti gishtin e mesëm dhe e eskaloi më tej situatën.”

Nga kjo, ai ka ngritur përfundimet se shtetet e botës nuk e respektojnë Joe Bidenin.

“Tjetër vijë e kuqe e shkelur – shtetet nuk e respektojnë Joe Bidenin.”

🚨🚨🚨

Joe Biden and the Europeans drew a redline last week. They said Albin Kurti must deescalate and launch new elections immediately.

This morning, Kurti gave them the middle finger and escalated the situation further.

Another redline crossed – countries don’t respect… https://t.co/UGhN0ZED8A

— Richard Grenell (@RichardGrenell) June 13, 2023