Punëtori i një pompe derivatesh në fshatin Gllamnik të Podujevës ka raportuar në polici se derisa ishte duke punuar, një person i maskuar dhe nën kërcënimin e thikës ia kishte grabitur 150 euro.

Në raportin 24-orësh të Policisë së Kosovës thuhet se në vendin e ngjarjes kanë dalë njësitë policore dhe janë duke e hetuar rastin, përcjell Demokracia.com.

“Fsh. Gllamnik, Podujevë 28.08.2021 – 02:37. Viktima mashkull  kosovar ka raportuar se derisa kishte qenë në vendin e punës në pompën e derivateve aty kishte shkuar një person i maskuar, i cili nën kërcenim të thikës viktimës i kishte grabitur 150 € dhe ishte larguar në drejtim të panjohur. Në vendin e ngjarjes kanë dalë njësitë policore dhe janë duke e hetuar rastin”, thuhet në raportin e PK-së.

Policia ka njoftuar më tej se nuk raportohet për të lënduar dhe arrestuar. /Demokracia.com/