Një kushëri i gjyshes së vrasësit Salvador Ramos, Celia “Sally” Gonzalez ka thënë në një intervistë se 66-vjeçarja mund të mos flasë kurrë më.

Gonzalez, 66-vjeçare, ishte viktima e parë e tërbimit të Ramos, kur 18-vjeçari e qëlloi atë në fytyrë mëngjesin e 24 majit me plumbin që e goditi në nofull dhe i theu dhëmbët.

Jason Ybarra, kushëriri i saj i dytë, tha se megjithëse Gonzalez po ecën ‘mjaft mirë’ ajo mund të mos jetë kurrë në gjendje të flasë më, sipas The New York Post.

Ybarra tha se Gonzalez për momentin është në gjendje të komunikojë vetëm duke shkruar, transmeton Klankosova.tv.

Pasi qëlloi gjyshen, Ramos, i armatosur me një pushkë të stilit AR-15, vodhi një kamionçinë Ford të gjyshërve të tij dhe shkoi në shkollën fillore Robb për të filluar tërbimin e tij të gjatë 77 minuta që përfundoi me 19 fëmijë dhe dy mësues të vdekur.

Në muajt para të shtënave, Ramos kishte jetuar me gjyshërit e tij.

Sipas një faqeje të GoFundMe që është krijuar nga vajza e Gonzalez, Natalie Salazar, ajo ka pasur katër operacione të mëdha që nga ngjarjet e 24 majit dhe po përballet me disa të tjera.