Gjykata e Lartë e SHBA-së ka rrëzuar propozimin e presidentit amerikan Joe Biden për të shlyer miliarda borxhe studentore.

Vendimi 6-3 anulon efektivisht planin, i cili do të kishte falur rreth 10 mijë dollarë (7,800 £) për huamarrës – dhe deri në 20 mijë dollarë në disa raste.

Plani ka hasur në kundërshti që kur disa shtete konservatore kanë argumentuar se presidenti ka tejkaluar autoritetin e tij. Gjykata e Lartë u pajtua.

Vendimi prek kreditë e më shumë se 40 milionë amerikanëve, shkruan BBC.

Në vazhdën e vendimit, mediat amerikane raportuan se Presidenti Biden pritet të shpallë veprime të reja për të mbrojtur huamarrësit më vonë të premten. Në një deklaratë, Biden tha se “lufta nuk ka përfunduar” dhe se ai besonte se vendimi ishte “i gabuar”.

Borxhi i përgjithshëm federal i studentëve është më shumë se trefishuar gjatë 15 viteve të fundit, duke u rritur nga rreth 500 miliardë dollarë në 2007 në 1.6 trilion dollarë sot.