Ministria e Jashtme e Bjellorusisë ka publikuar një foto të vendit ku zhvillohen negociatat e sotme Rusi-Ukrainë.

“Në Bjellorusi, gjithçka është gati për të pritur negociatat Rusi-Ukrainë. Në pritje të mbërritjes së delegacioneve”, tha ministria në një postim në Twitter rreth orës 9 të mëngjesit me kohën lokale, raporton The Guardian.

Kjo vjen pas njoftimit të presidentit ukrainas Volodymyr Zelenskiy të dielën se delegacionet ukrainase dhe ruse do të takohen pa parakushte në Pripyat në Bjellorusi.

⚡️🇷🇺🇧🇾🇺🇦In Belarus, everything is ready to host Russia-Ukraine negotiations. Waiting for delegations to arrive pic.twitter.com/WSnPMyChwg

— Belarus MFA 🇧🇾 (@BelarusMFA) February 28, 2022

Zelenskiy tha se nuk ishte i sigurt se do të kishte ndonjë përparim, por se do të përpiqej.

“Do të them sinqerisht, si gjithmonë, se nuk besoj në rezultatin e këtij takimi,” tha ai. “Por le të përpiqemi, në mënyrë që asnjë qytetar i Ukrainës të mos ketë dyshim se unë, si president, u përpoqa ta ndaloja luftën kur kishte edhe një shans.”