Joao Cancelo ka zhvilluar ndeshjen e tij të parë me fanellën e Barcelonës në elitën e futbollit spanjoll La Liga.

Mbrojtësi portugez iu bashkua katalunasve në ditën e fundit të afatit kalimtar nga Manchester City në formë huazimi.

Cancelo debutoi duke luajtur ndaj Osasunës në fitoren e Barcelonës 1-2 me golat e Jules Kounde dhe Robert Lewandowskit.

Megjithatë një gjë që u bë virale është edhe gjesti i Joao Cancelos pas ndeshjes me një tifoz të vogël që u fut në fushë.

Një djalosh biond u fut në fushë dhe vrapoi te portugezi për ta përqafuar.

29-vjeçari ishte shumë miqësorë me djaloshin e vogël duke e mirëpritur dashurinë e tij dhe duke i dhuruar fanellën pasi e përqafoi.

Fotot e djaloshit të lumtur janë bërë virale në rrjet, derisa Cancelo është duartrokitur nga tifozët për gjestin e bërë.

🫶 After the match with Osasuna, João Cancelo gave his debut jersey to the boy who ran onto the pitch after the referee’s final whistle.

❤️💙 In the attachment below you can see how much it meant to the boy. Things we like to see. 👏 pic.twitter.com/w4jTYo2gON

— E.V. (@RENZOR_GT) September 4, 2023