Një person ka informuar Policinë e Kosovës, pasi gjatë punimeve në oborr ka gjetur dy granata dore.

Në raportin e Policisë thuhet se rasti ka ndodhur në fshatin Guriq të Malishevës.

“GJETJE E MJETIT SHPËRTHYES/Fsh. Guriq, Malishevë 07.01.2023 – 14:10. Ankuesi mashkull kosovar, ka informuar se gjatë punimeve në oborr kishte gjetur dy granata dore”, thuhet në raportin e PK-së.

Sipas Policisë njësia për deminim e FSK-së ka bërë tërheqjen e mjeteve shpërthyese dhe sipas tyre i përkasin Luftës së Dytë Botërore./Demokracia.com/