Lifestyle
Gërhisni natën, ja çfarë duhet të bëni për ta ndaluar
Demokracia
19:34 | 23 Shkurt 2022

Share:

Është aq i keq sa mund të prish gjumin e partneres suaj dhe në disa raste mund të jetë aq i zhurmshëm sa t’ju mbajë zgjuar për pjesën më të madhe të natës.

Hulumtimet zbuluan se dy të pestat e grave në Mbretërinë e Bashkuar do të preferonin të flinin vetëm për shkak të gërhitjes së partnerit.

Hulumtimi, nga “And So To Bed”, zbuloi se gërhitja po mban zgjuar 23 për qind të grave, duke u renditur si shkaku i katërt më e zakonshme për pagjumësinë, pas të nxehtit, ankthit dhe nevojës për tualet.

Si mund ta ndaloni gërhitjen?

Dr. Lindsay Browning, psikologe, neuroshkencëtare dhe eksperte e gjumit për “And So To Bed” tha se mund t’i sugjeroni partnerit tuaj të flejë në një pozicion tjetër.

“Shpesh gërhitja është më e keqe kur dikush fle me shpinë. Prandaj, ndryshimi i pozicionit mund të ndihmojë në minimizimin e gërhitjes. Nëse ju zgjojnë dhe janë me shpinë, jepini një shtytje të butë ose trokitni lehtë për t’i inkurajuar ata të flenë në anën e tyre“, u shpreh ajo.

Dr. Browning tha gjithashtu se gërhitja varet edhe nga stili i jetesës. Reduktimi i alkoolit dhe humbja e peshës mund të ndihmojnë për të mos gërhitur shumë.

“Nëse partneri juaj vuan nga bllokimi gjatë natës, mund të jetë se ai është alergjik ndaj puplave të jastëkut ose qenit në shtratin tuaj. Ndërrimi i jastëkëve, lënia e qenit të flejë në dysheme ose në një dhomë tjetër, ose marrja e një antihistamine mund të ndihmojë në reduktimin e gërhitjes së tij.“, u shpreh ajo

Megjithatë, nëse gërhitja është e padurueshme, duhet ta bëni partnerin tuaj të vizitojë mjekun e tij të përgjithshëm, veçanërisht nëse gërhitja e tij prishet nga pauzat pasi kjo mund të jetë një shenjë e ‘apnesë’ së gjumit.

Dr. Browning shtoi: “Apnea e gjumit është ajo ku fyti juaj mbyllet gjatë natës aq shumë sa që rrugët e frymëmarrjes bllokohen plotësisht dhe ajri nuk mund të rrjedhë fare./iconstyle.al

Të ngjashme