Ekspedita e nënkampiones së Kosovës, Dritës është duke qëndruar në qytetin e Rotterdamit nga dita e mërkurë.
Drita do të përballet me Feyenoordin në duelin e kthimit në raundin e dytë të Ligës së Konferencës, raporton Demokracia.com.
Andaj, në ditën e ndeshjes kur kanë mbetur edhe disa orë deri në fillimin e saj, disa nga futbollistët gjilanas kanë vendosur të shfrytëzojnë kohën e pushimit në një nga sheshet e këtij qyteti holandez.
Anësori i “bardhekaltërve”, Almir Ajzeraj ka publikuar një fotografi në Instagram.
Krahas me Ajzerajn aty shihen Lum Namani, kapiteni Limani, Betim Haxhimusa e Ilir Blakqori të cilët janë ulur në një nga kafiteritë e qytetit të Rotterdamit.
Feyenoordi dhe Drita përballen sonte me fillim nga ora 20:00. /Demokracia.com