Drejtor i Emergjencave në Komunën e Prishtinës, Lulzim Fushtica ka folur për vërshimet me të cilat është përballur të dielën Prishtina.

I ftuar në emisionin “Ditari” në Tëvë1, Fushtica ka treguar se ka pasur mbi 100 thirrje nga qytetarët, për vërshimet që kanë qenë në lagjet e tyre.

Fushtica tregoi se pjesët të cilat kanë qenë në vërshimet më të mëdha kanë qenë Stacioni i Autobusëve, Veternik, Kodra e Trimave, Bregu i Diellit, si dhe Kafet e Vogla.

Derisa drejtori theksoi se të gjitha ekipet kanë qenë të mobilizuara Zjarrfikësit, Policia e Kosovës dhe kompanitë private.

“ Si pasojë e vërshimeve kemi pasur raste në krejt kryeqytetin, për kuriozitet kemi pasur mbi 100 raste, 100 thirje të qytetarëve duke filluar nga të gijtha lagjet, por problemet konkrete apo më të mëdhaja ka qenë të stacionet e autobusëve, te Bau market Veternik, Kodrën e Trimave, Bregu I Diellit, Te kafet e Vogla, të gjitha ekipet kanë qenë të mobilizuara, kemi dalë të gjitha ekipet duke filluar nga zjarrfikësit, Policisë së Kosovës, kompanitë e kontraktuara që janë private. Të gjitha intervenimet janë kryer në orën 1 pas mesnate”, ka deklaruar Fushtica.

Ai tha se të hënën në mëngjes së bashku me kryetarin e Prishtinës, Përparim Rama kanë vizituar vendet të cilat kanë qenë të prekura nga vërshimet.

Ai tha se vërshimet po ndodhin në kryeqytet ngase pustetat janë të pamjaftueshme dhe të papastruara asnjëherë.

“Të hënën në mëngjes bashkë me kryetarin e Prishtinës, Përparim Rama kemi bërë vizitë në të gjitha vendet që kanë qenë të prekura nga vërshimet e natës së diele. E kemi ftuar edhe Ministrin e Infrastrukturës, rruga magjistrale duke filluar nga Mitrovica deri te Bau Marketi është rrugë regjionale e cila mirëmbahet dhe menaxhohet nga ministria, jemi dalë në vendin e ngjarjes dhe kemi inspektuar bashkërisht me ministrin dhe kemi vërejtur se pusetat përveç që se janë të pamjaftueshëm nuk kanë qenë të pastruara asnjëherë, si pasojë e gjithë ai ujë që ka ardhur nga atje dhe është shpërndarë”, theksoi Fushtica. /teve1.info/