Boksieri filipinas Mani Pacquiao, 42 vjeç, ka njoftuar zyrtarisht fundin e karrierës së tij

Lajmin e ka dhënë vetë Pacquiao përmes rrjetit sociale ku shpërndau një video në të cilën njoftoi largimin nga boksi dhe nisjen e karrierës në politike, duke u futur në garë për presidencën në Filipine, transmeton Demokracia.com.

Ai është boksieri i parë në histori që fiton titullin botëror në tetë kategori të ndryshme peshe.

Pacquiao në karrierën e tij, arriti 62 fitore, tetë humbje dhe dy barazime, dhe titullin e fundit e fitoi në vitin 2019 në kategorinë e peshave të lehta, kur ishte 40 vjeç.

Më parë, Pacquiao njoftoi se do të kandidonte në zgjedhjet presidenciale në 2022 në Filipine, si kandidat i fraksionit që u shkëput nga partia PDP-Laban e presidentit aktual, Rodrigo Duterte.

Pako aktualisht është senator në Dhomën e Epërme të Parlamentit të Filipineve. /Demokracia.com

To the greatest fans and the greatest sport in the world, thank you! Thank you for all the wonderful memories. This is the hardest decision I’ve ever made, but I’m at peace with it. Chase your dreams, work hard, and watch what happens. Good bye boxing. https://t.co/Bde4wO82sA

— Manny Pacquiao (@MannyPacquiao) September 29, 2021