Mijëra ushtarë amerikanë, polakë dhe francezë morën pjesë në stërvitjet ushtarake të quajtura Defender Europe 2022 në një poligon ushtarak pranë Orzyszit në Poloni. Këto imazhe të bëra gjatë javës tregojnë forcat ajrore dhe tokësore duke praktikuar ato që ushtria amerikane tha se janë operacione mbrojtëse që synojnë të demonstrojnë përkushtimin e Uashingtonit ndaj aleatëve të tij në NATO.
Stërvitjet u zhvilluan mes tensionesh me Rusinë për pushtimin e saj të paprovokuar të Ukrainës, i cili po i afrohet ditës së 100-të. Polonia kufizohet me Ukrainën dhe ka pranuar mijëra refugjatë që ikin nga luftimet.
Një tank polak Leopard 2PL, duke hapur zjarr. Ushtria amerikane tha se në stërvitje u përfshinë më shumë se 3,400 amerikanë dhe 5,000 anëtarë të shërbimit nga 11 vende.
Tymi shihet në poligonin e qitjes pranë qytetit Orzysz në Poloni. Stërvitjet janë mbajtur në nëntë vende.
Një helikopter polak Mi-24 gjatë stërvitjeve ushtarake.
Në një deklaratë zyrtare thuhet se stërvitjet synojnë gjithashtu përmirësimin e gatishmërisë për të vepruar në një mjedis “kompleks, shumëkombësh”.
Ushtarët polakë nga Brigada e 25-të e Kalorësisë Ajrore stërviten duke zbritur nga një helikopter Mi-8.
Një tjetër pamje nga stërvitjet ushtarake në Poloni gjatë javës.
Të sigurt ulur në tokë, ushtarët polakë zënë pozicionet.
Një helikopter polak Mi-8.
Ushtarët polakë, amerikanë dhe ata francezë duke qëndruar pranë automjeteve të tyre të blinduara. /REL
