Presidentja e Komisionit Evropian, Ursula von der Leyen, bashkë me kryediplomatin e BE-së, Josep Borrell, sot udhëtuan drejt Ukrainës për t’u takuar me liderët e vendit.

Dy udhëheqësit evropianë bashkë me kryeministrin e Sllovakisë, Eduard Heger, shkuan edhe në vendin ku u raportua se u krye masakër, në Bucha.

Te vendi i ngjarjes i shoqëroi kryeministri ukrainas, Denys Shmyhal, i cili tha se atyre iu tregoi mizoritë që kryen rusët.

“Vizituam Buchan. Ursula von der Leyen, Josep Borrellit  dhe Eduard Hegerit iu tregova për mizoritë që kryen trupat ushtarake ruse mbi civilët ukrainas. Ne kurrë s’do t’ia falim armikut këto krime. Ne po punojmë bashkë me partnerët tonë evropianë që të ndalim agresorin sa më shpejt që është e mundur”, ka shkruar Shmyhal.

Visited #Bucha. Showed @Vonderleyen, @JosepBorrellF @eduardheger the atrocities committed by the russian military troops against civilian ??. We will never forgive the enemy for these crimes. We are working together with our ?? partners to stop the aggressor as soon as possible. pic.twitter.com/Gdz0wmhuG9

— Denys Shmyhal (@Denys_Shmyhal) April 8, 2022