Perspektiva ekonomike e Kosovës për vitin 2023 është përshkruar me një përzierje optimizmi dhe faktorësh negativë që mund të kërcënojnë stabilitetin ekonomik të vendit në një raport të fundit të Fondit Monetar Ndërkombëtar (FMN). Inflacioni, aktiviteti më i dobët në ekonomitë e zhvilluara dhe liberalizimi i vizave janë disa nga faktorët me ndikim potencial negativ në periudhën afatshkurtër dhe afatmesme të vendit.

Kreditori ndërkombëtar ka theksuar rrezikun e rënies së investimeve të huaja direkte në periudhën afatmesme për shkak të tensioneve në veri të vendit.

“Në afat të mesëm, tensionet e vazhdueshme në veri mund të rëndojnë mbi investimet e huaja direkte, financimet e reja të donatorëve dhe flukset hyrëse të turizmit. Në të njëjtën kohë, përpjekjet e shumë firmave evropiane mund të çojnë në IHD më të larta dhe rritje potenciale, veçanërisht nëse dialogu me Serbinë përparon.” – thuhet aty.

Liberalizimi i vizave për Kosovën nga janari i vitit 2024 përmendet si faktor që mund të çojë në rritjen e emigracionit. Kjo sipas Fondit Monetar Ndërkomb♪7tar mund të ndikojë “negativisht në kërkesën afatshkurtër dhe duke rritur ngushtësinë e disa segmenteve të tregut të punës”.

“Rreziqet e brendshme. Në terma afatshkurtër, një impuls fiskal më i vogël se ai i parashikuar mund të dëmtojë rritjen; Liberalizimi i vizave i BE-së, i cili hyn në fuqi në janar 2024, mund të çojë në rritjen e emigracionit, duke ndikuar negativisht në kërkesën afatshkurtër dhe duke pakësuar disa segmenteve të tregut të punës.” – thuhet aty.

Në raport më tej thuhet se aktivitet i dobët i ekonomive të zhvilluara mund të ndikojë remitancat e vendit.

“Në periudhën afatmesme, aktiviteti më i dobët në ekonomitë e përparuara evropiane mund të ndikojnë flukset hyrëse të lidhura me diasporën dhe kërkesën e jashtme. Kushtet financiare më të shtrënguara mund të rëndojnë cilësinë dhe likuiditetin e aktiveve të bankave.” – thuhet aty.

Në aspektin pozitiv, raporti parashikon se rritja e Bruto Produktit Bendor pritet të jetë mesatarisht 4 për qind në vit gjatë 2023–2024. Inflacioni mesatar parashikohet të bjerë në rreth 5 për qind në 2023 dhe 3½ për qind në 2024.