Byroja Federale Hetimeve, FBI, ka konfirmuar se dy agjentë saj u vranë dhe tre të tjerë u plagosën mëngjesin e së martës ndërsa zbatonin urdhrin për arrestime për një çështje të shfrytëzimit të fëmijëve në pjesën jugore të Floridës, njoftojnë autoritetet.

Byroja Federale Hetimeve, FBI, ka konfirmuar se dy agjentë saj u vranë dhe tre të tjerë u plagosën mëngjesin e së martës ndërsa zbatonin urdhrin për arrestime për një çështje të shfrytëzimit të fëmijëve në pjesën jugore të Floridës, njoftojnë autoritetet.

Byroja Federale Hetimeve thotë se i dyshuari gjithashtu ka vdekur. Autoritetet thanë se të shtënat me armë kishin të bënin me një të dyshuar i cili u ngujua brenda një apartamenti në një kompleks banesash në zonën Sunrise që ndodhet në periferi të qytetit Fort Lauderdale.

Disa agjenci të zbatimit të ligjit rrethuan një lagje në periferi të qytetit Fort Lauderdale pas të shtënave.

Një tjetër kontingjent i madh punonjësish të rendit u mblodhën jashtë spitalit në Fort Lauderdale ku u dërguan viktimat, sipas pamjeve në televizion. Departamenti i policisë në qytetin Sunrise shkroi në Twitter mbi prezencën e madhe të policisë dhe mbylljen e rrugëve përreth./tch