Trajneri i Barcelonës, Hansi Flick thuhet se e admiron sulmuesin e Real Madridit, Endrick, të cilin e sheh asi pasardhësin e mundshëm të Robert Lewandowskit.

Sipas mediumit Defensa Central, Flick ka treguar interes të madh për sulmuesin brazilian të Real Madridit, Endrick dhe do dëshironte ta shihte atë me ngjyrat e Barcelonës, duke theksuar reputacionin e tij në rritje në Spanjë.

18-vjeçari iu bashkua Real Madridit verën e kaluar dhe ka bërë një ndikim të menjëhershëm pavarësisht konkurrencës së ashpër nga yjet botërorë si Kylian Mbappe, Vinicius Jr. dhe Rodrygo.

Me shtatë gola këtë sezon nga vetëm 562 minuta, potenciali i tij është i qartë dhe besimi i tij po rritet.

Flick thuhet se e sheh Endrickun si një pasardhës të mundshëm të Robert Lewandowski në Barcelonë, pasi forca, eksploziviteti dhe qëndrimi i sulmuesit të ri kanë tërhequr vëmendjen e shumë njerëzve, përfshirë menaxherin e Barcelonës.

Megjithatë, Real Madrid nuk ka ndërmend ta lërë lojtarin të largohet. Individët e klubit thonë se Endrick shihet si një pjesë kyçe e së ardhmes së klubit dhe i paprekshëm, me planet që ai të evoluojë në një figurë kyçe në pozicione të shumta përkrah Mbappe dhe Vinicius Jr.

Raporti shton se Joan Laporta kishte tentuar më parë të sillte Endrick në Barcelonë, por braziliani e refuzoi ofertën, duke deklaruar se Real Madrid ishte destinacioni i tij i preferuar.