Fotot e publikuara tregojnë një flamur izraelit, i cili valëvitet mbi një ndërtesë të shkatërruar në veri të Rripit të Gazës, afër kufirit me Izraelin jugor. Ushtria Izraelit ka deklaruar se ka rrethuar Gazën, duke u kërkuar civilëve që të largohen drejt jugut, pasi do të intensifikojë sulmet.

Popullsia në Rripin e Gazës është në një gjendje të vështirë humanitare, dhe numri i të vdekurve rritet çdo ditë. Një pjesë e banorëve të Gazës janë nisur drejt jugut, sipas udhëzimit të Ushtrisë Izraelite, pasi mungon ushqimi, uji, ilaçet në spitale dhe karburanti, një element jetësor në këtë zonë.