Një shtetas algjerian që mendohet se qëndron pa dokumente në Belgjikë po lufton për të kërkuar një xhekpot prej 250,000 euro të fituara në një kartë gërvishtëse, me autoritetet që këmbëngulin se mund të paguhet vetëm nëse ai mund të provojë identitetin e tij.

Sipas Aljazeera, avokati ii 28-vjeçarit, Alexander Verstraete, klienti i tij është refugjat dhe nuk ka as llogari bankare dhe as dokumneta për qëndrim në Belgjikë dhe ata po mundohen të kërkojnë dokumenta për të vërtetuar identitetin e tij.

“Ne po kërkojmë ato dokumente që mund të vërtetojnë identitetin e tij. Ai do të duhet të kontaktojë familjen e tij në Algjeri.”-tha avokati.

Verstraete tha se letra me gërvishtje fituese po mbahej aktualisht nga një gjykatë në qytetin e Bruges pasi tre miq u përpoqën ta kërkonin atë pa sukses në emër të klientit të tij. Miqtë, gjithashtu nga Afrika e Veriut, u ndaluan për një natë nga policia nën dyshimin për vjedhje përpara se të liroheshin kur fituesi i vërtetë doli me avokatin e tij.

Bileta fituese është blerë disa javë më parë në Zeebrugge. Qyteti portual belg është një destinacion popullor për emigrantët dhe refugjatët që përpiqen të arrijnë në Angli të fshehur në kamionë ose kontejnerë.

Shitësi me pakicë që ka shitur biletën i ndalohet të japë një çmim të tillë në cash, sepse për çdo çmim prej më shumë se 100,000 euro, fituesi duhet të shkojë në selinë e kompanisë në Bruksel, tha Joke Vermoere, zëdhënëse e lotarisë kombëtare.

“Fituesi nuk u paraqit në vendin tonë, nuk e kemi parë, gjë që po bllokon për momentin procedurën e dhënies së çmimit”, tha Vermoere.

Ajo nuk specifikoi kushtet apo natyrën e dokumenteve të kërkuara për të kërkuar fitoren.

“Është në duart e zyrës së prokurorit publik në Bruges,” tha ajo.