Kompania e madhe e basteve sportive “bet365.com” ka publikuar kuotat për ndeshjen finale të Ligës së Konferencës mes Romës dhe Feyenoordit.
Roma dhe Feyenoord do të përballen në finalen e parë të kompeticionit të ri të UEFA-s në stadiumin “Air Albania” në Tiranë me fillim nga ora 21:00, raporton Demokracia.com.
“Giallorossi” llogaritet favorit nga kompania në fjalë ndaj gjigantit holandez të futbollit.
Kuota për fitoren e futbollistëve të Jose Mourinhos llogaritet 2.30, barazimi 3.30, kurse për triumfin e holandezëve kuota është 3.20.
Kjo është finalja e parë e një lige të rëndësishme evropiane që do të mbahet në “Air Albania”.
Që nga dita e djeshme kryeqyteti i Shqipërisë është mbushur me tifozë të të dyja ekipeve, si ata italianë dhe holandezë, të cilët u përleshën me njëri-tjetrin, por edhe me Policinë e Shtetit./Demokracia.com/