Feronit Shabani i njohur për publikun me nofkën Fero mund të dënohet me pesë vite burgim pasi u përfshi në një zënkë.
Fero akuzohet se ka kryer veprën penale “Mbajtja në pronësi, kontroll ose posedim të paautorizuar të armëve” nga neni 374, paragrafi 1 të Kodit Penal të Republikës së Kosovës, e cila dënohet me gjobë deri në 7.500 Euro ose me burgim deri në pesë vjet.
Fero kishte mbajtur në pronësi një Elektroshok me bateri të firmës TW-801TYPE, në shkelje të ligjit të zbatueshëm lidhur me armët e tilla, sipas Betimi për Drejtësi.
Sherri ka ndodhur në vitin 2018, ku të përfshirë përveç Feros ishin edhe Mehmet Elshani, Avdullah Islami dhe Lorent Bajrami.
Elshani u përfshi në një sherr me Lorent Bajramin, ndaj të cilit ushtroi dhunë fizike ndërsa reperi dhe Islami e kërcënuan me armë dhe mjete metalike të rrezikshme.
Fero ka dalë ditën e sotme para gjykatës, por seanca është shtyrë për 8 shtator pasi Elshani nuk është paraqitur. /Demokracia.com/