Klubi i Futbollit Ferizaj është pajisur me katapultat “Fitogether” të cilat janë të licensuara nga FIFA.

Këto paisje kanë nisur të shpërndahen në klubet e Superligës së Kosovës që nga viti i kaluar nga Federata e Futbollit të Kosovës, shkruan Demokracia.com.

Ferizaj në faqen zyrtare të klubit ka shpërndarë edhe pamjet e vendosjes së katapultave në fanellat e futbollistëve gjatë stërvitjeve.

“Klubi ynë paiset me katapultat “Fitogether. Sot klubit tonë i janë dorëzuar katapultat nga kompania e mirënjohur “Fitogether” të cilat janë të licensuara nga FIFA, krejt falë punës së pandalshme të kryetarit të federatës së futbollt të Kosovës, z. Agim Ademi, në projektin për ngritjen e cilësisë e profesionalizmit të futbollit vendor”, thuhet ndër tjerash në postimin e klubit.

Paisja e katapultave GPS ndihmon skuadrat për të përcjellur çdo lëvizje të vrapimit të futbollistëve gjatë stërvitjeve dhe ndeshjeve./Demokracia.com/