FC Prishtina ka reaguar për herë të parë pas incidentit të mbrëmshëm para derbit të javës kundër Ballkanit kur dy tifozeritë u përplasën brenda stadiumit.

Klubi më i trofeshëm i futbollit në vend është distancuar dhe ka dënuar fuqishëm veprimin e personave të përfshirë në përleshje, shkruan Demokracia.com.

Prishtina nëpërmjet faqes zyrtare ka falënderuar tifozët e tyre, duke shkruar se ata dëshmuan dashurinë për klubin.

Njoftimi i plotë i FC Prishtinës:

???????????? “?????”, ???????????? ?????????̈!??

FC Prishtina e zhvilloi të dielën ndeshjen e parë për edicionin 2022/23 në stadiumin “Fadil Vokrri” në kryeqytet.

Organizimi dhe entuziazmi për ndeshjen ndaj Ballkanit ishte i madh nga tifozët tonë “Plisat” dhe qytetarët e Prishtinës, të cilët edhe një herë e dëshmuan dashurinë e tyre për klubin më të madh në vend duke u tubuar masovikisht në stadium, ku biletat ishin shitur shumë orë para ndeshjes.

Përkundër shiut të rrëmbyeshëm që nuk pushoi para, gjatë dhe pas ndeshjes, tifozët nuk u ndalën së përkrahuri ekipin e zemrës nga tribunat gjatë gjithë ndeshjes për çka klubi i falënderon duke shpresuar e besuar se rezultatet pozitive nuk do të mungojnë gjatë kampionatit.

Gjithashtu, FC Prishtina i falënderon me përulje edhe legjendat e klubit, futbollistët e gjeneratës së artë dhe ata që kanë kontribuuar në vitet e pasluftës e që gjetën kohë të vijnë në stadium për t’i dhënë zemër skuadrës nga afër.

FC Prishtina i dënon fuqishëm ata që shkaktuan përleshje mes tifozervie para fillimit të ndeshjes duke u distancuar nga personat e pandërgjegjshëm e të cilët vetëm futbollit dhe klubeve tona nuk ia duan të mirën.

Mirupafshim në sfidat e radhës, “’lufta jonë, jo kurrë nuk ndalet…”./Demokracia.com/