Jetëgjatësia ra në shumicën e vendeve anëtare të Bashkimit Evropian vitin e kaluar për shkak të pandemisë COVID-19, tregojnë të dhënat zyrtare.

Sipas Eurostat, rënia më e madhe u regjistrua në Spanjë, me një humbje prej 1.6 vjetësh në 2019.

Ajo u pasua nga Bullgaria (-1.5 vjet), Lituania, Polonia dhe Rumania të cilat regjistruan secila një rënie prej 1.4 vjetësh.

Vendet nordike ishin të vetmet që pësuan një rritje të jetëgjatësisë me Danimarkën dhe Finlandën, duke regjistruar një rritje prej 0,1 vitesh, ndërsa Norvegjia, një vend jo anëtar i BE, regjistroi një rritje 0,3-vjeçare.

Shifrat janë provizore pasi Irlanda nuk ka raportuar ende të dhëna për vitin 2020.

Pandemia ka goditur rëndë Evropën, pasi më shumë se 610,000 jetë kanë humbur nga COVID-19 në 31 vendet që përbëjnë BE / EEA, sipas Qendrës Evropiane për Parandalimin dhe Kontrollin e Sëmundjeve.