I dërguari i Shteteve të Bashkuara të Amerikës për Ballkanin Perëndimor Gabriel Escobar, nesër më 16 qershor, do të mbajë një konferencë online me gazetarë.

Konferenca mbahet nga ora 15:00.

Escobar me gazetarët do të bisedojë rreth zhvillimeve të fundit në Kosovë dhe Serbi.

Të marten, në Mitrovicën e veriut policia e Kosovës e ka arrestuar udhëheqësin e “Mbrojtjes Civile” Milun Millakoviq, i njohur si “Lune”.

Kurse, gjatë ditës së djeshme janë kidnapuar tre policë nga ana e njësisë speciale të Serbisë.

KFOR-i ka thënë se është i përfshirë me ngjarjen, por se po pret përgjigje zyrtare nga Serbia se si ka ndodhur rasti.